Kirsten Refsing
Kirsten Refsing (1948 pa 9 cup 14 to – 2023 pa 9 cup 22 to[1]) anakne Aynu itak ekampinuye kur ne wa Dánia un kur ne ruwe ne. 2006 pa wano 2011 pa pakno Kébehaun Kampinuyecise or un oynaekampinuyecise or ta sapane wa an ruwe ne.
Sukup
1948 pa 9 cup 14 to ta Furentereca or ta hetuku p ne. 1966 pa pakno Furentereca Gimnasium oro wa soyene wa 1977 pa pakno Kébehaun Kampinuyecise or ta Sisam itak ekampinuye wa hontom wano Nippon mosir un Wáseda Kampinuyecise or ta yaypakasnu. 1986 pa hákaseso kor wa Kébehaun Kampinuyecise or ta Aynu itak ekampinuye wa itaksay kar kor an kusu orounpe ne. 1984 pa wano 1990 pa pakno Aarhus Kampinuyecise newa Kébehaun Kampinuyecise or un Cupkaun-Asia-Ekampinuyecise or ta seysey ne ruwe ne. 1995 pa wano 2006 pa pakno Honkon Kampinuyecise Nippon-Ekampinuyecise seysey ne wa 2006 pa wano 2011 pa pakno Kébehaun Kampinuyecise or un oynaekampinuyecise or ta sapane wa an ruwe ne.
2011 pa ta orounpe omonnure kusu Dannebrogordenen a=kore ruwe ne.